Ambasadori gjerman kërkon që Kosova të ketë shpejt qeveri funsionale - Bota Sot
Ambasadori gjerman kërkon që Kosova të ketë shpejt qeveri funsionale

Aktuale

Ambasadori gjerman kërkon që Kosova të ketë shpejt qeveri funsionale

Më: 22 korrik 2019 Në ora: 18:06
Ambasadori gjerman në Kosovë, Christian Heldt

Ambasadori gjerman në Kosovë, Christian Heldt, ka thënë se është e rëndësishme që Kosova së shpejti të ketë qeveri funksionale.

Në një përgjigje, lidhur me dorëheqjen e kryeministrit të Kosovës, Ramush Haradinaj nga pozita që ka, Heldt ka thënë se Gjermania respekton, “pavarësinë e Dhomave të Specializuara dhe vendimin e kryeministrit Haradinaj”.

“Kosova vazhdon të ketë përballë sfida të rëndësishme politike, në veçanti dialogun politik me Serbinë dhe reformat e brendshme politike. Është e rëndësishme që Kosova së shpejti të ketë një qeveri funksionale”, është shprehur ndër të tjera ambasadori gjerman.

Kryeministri i Kosovës, Ramush Haradinaj, ka dhënë dorëheqje të premten nga pozita që ka pasi ka marrë ftesë për intervistim nga Gjykata Speciale në Hagë, në cilësinë e të dyshuarit.

Gjatë ditës së hënë ai përmes një letre i ka njoftuar krerët e institucioneve dhe liderët e partive politike të përfaqësuara në Kuvend, për vendimin e tij.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...