Kadri Veseli refuzon ta dërgojë raportin e shtetasve turq në Prokurori - Bota Sot
Kadri Veseli refuzon ta dërgojë raportin e shtetasve turq në Prokurori

Aktuale

Kadri Veseli refuzon ta dërgojë raportin e shtetasve turq në Prokurori

Më: 22 korrik 2019 Në ora: 20:05
Kadri Veseli

Kreu i Kuvendit, Kadri Veseli nuk pranoi që të dorëzojë raportin e komisionit hetimor për rastin e shtetasve turq në Prokurorinë Speciale. Veseli duke e zvarritur këtë proces me javë të tëra, iu është përgjigjur sot deputetëve duke iu thënë se raportin mund ta përcjellë kushdo e se është mjaftuar me publikimin e tij në faqen zyrtare të Kuvendit. Partia Demokratike këtë raport e kundërshtoi edhe me votë.

Ka një muaj prej kur në Kuvend të Kosovës, deputetët votuan pro raportit të hartuar nga komisioni hetimor për rastin e njohur si shtetasit turq.

Megjithatë, ky raport me më shumë se 80 faqe nuk u përcollë në Prokurorinë Speciale, që po kryen hetimet për këtë rast.

Deputetët e këtij komisioni, kishin bërë kërkesë në Kuvend që i njëjti të përcillej, mirëpo, ka disa javë e ata nuk kanë marrë përgjigje.

Pas disa insistimeve, të njëjtëve iu është thënë se ky institucion e ka kryer punën e tij duke publikuar raportin në faqe, tash, atë mund ta përcjellë në Prokurori kush të dojë.

Këta e ka konfirmuar për Express, kryetari i këtij komisioni Xhelal Sveçla.

“Po i kemi kontaktuar sot, na kanë thënë se Kadri Veseli ka deklaruar se është publikuar në web faqe raporti, e se në prokurori mund ta dërgojë kush të dojë”, tha Sveçla.

Derisa deputeti i VV-së po thotë se Veseli nuk ka dashur që të njëjtin ta përcjellë në emër të Kuvendit.

Sveçla po thotë se Veseli nuk i ka shfrytëzuar kompetencat e tij asnjëherë në të mirë të vendit.

“Kryetari i Kuvendit kurrë nuk e ka luajtur rolin e kryetarit të kuvendit më shumë të kryetarit të partisë që i ka rujtë interesat parciale se sa i ka mbrojt rendin e ligjin në Kosovë. Ky këto kompetenca kurrë nuk i ka shfrytëzuar për të mirën e vendit, gjithmonë për të mirën e grupeve dhe individëve të caktuar”, tha kreu i këtij komisioni.

I njëjti ka shtuar gjithashtu se këtë raport pas përgjigjes së krye parlamentarit do ta dorëzojnë së bashku me nënkryetarin, Driton Selmanaj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...