Selmanaj: Me Vetëvendosjen i mposhtim të gjithë - Bota Sot
Selmanaj: Me Vetëvendosjen i mposhtim të gjithë

Aktuale

Selmanaj: Me Vetëvendosjen i mposhtim të gjithë

Më: 22 korrik 2019 Në ora: 21:46
Driton Selmanaj

Deputeti i LDK-së, Driton Selmanaj thotë se Ramush Haradinaj e nuhati rrëzimin e qeverisë dhe bëri aktin e dorëheqjes.

Selmanaj thotë se dorëheqjen Haradinaj e bëri për tu dukur në publik si viktimë e proceseve gjyqësore.

Ai thotë se dorëheqja e Haradinajt dhe ftesa nga Gjykata Speciale nuk kanë ndonjë lidhje mes tyre.

“Do ta mirëkuptoja sikur zoti Haradinaj do të jepte dorëheqje dhe nuk do të ishte pjesë e proceseve politike deri në pastrim të plotë të rolit të tij. Por përfshirja e tij në fushatë tregon se është një lojë politike e tij”, tha ai në RTV Dukagjini.

Deputeti i LDK-së thotë se Haradinaj ka mbajtur në Qeveri tre ministra me aktakuza prej shumë kohësh dhe sipas tij Haradinaj me drejtësinë nuk qëndrojnë në të njëjtën anë.

Selmanaj thotë se zgjedhja më e mirë do të ishte vet shpërndarja e Kuvendit me 2/3 e votave dhe zgjedhjet të mbahen në shtator.

Duke folur për koalicionet e mundshme para ose pas zgjedhore, Selmanaj ka thënë se për LDK-në ndoshta e vetmja zgjedhje ka mbetur rishikimi i një koalicioni me Vetëvendosjen.

“Nëse bëhen bashkë LDK dhe Vetëvendosje, edhe nëse tjerat bëhen të gjitha bashkë nuk mund t’i afrohen as gjysmës së tyre”, tha ndër të tjera Driton Selmanaj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...