Sot, më Istog është shënuar në 19 vjetori i vrasjes së Heroi të Kosovës, Shaban Manaj, e organizuar nën patronatin e Kryetarit të kësaj komune, Haki Rugova.
Djali i tij, Shkëmb Manaj në një postimi në Facebook, ka shkruar se “drejtësia e vonuar duhet të triumfojë me qëllim që të zbardhen vrasjet me motive politike, si kjo e kryefamiljarit tone”.
Postimi i plotë:
Nën patronatin e Kryetarit të Komunës së Istogut, njëherit kryetar i Degës dhe Nënkryetar i LDK-së z. Haki Rugova, në 19 vjetorin e vrasjes, sot u përkujtua Heroi i Kosovës, Shaban Manaj, themelues dhe kryetar i parë i LDK-së në Istog!
Kryetari i Komunës, z. Rugova, Nënkryetari i Kuvendit të Republikës së Kosovës, Akad. Kujtim Shala,deputetë, përfaqësues të Komunave, bashkëveprimtar të babes dhe qytetarë të Istogut, nderuan dhe kujtuan jetën dhe veprën e Shaban Manajt, për lirinë dhe pavarësinë e Kosovës.
Drejtësia e vonuar duhet të triumfojë me qëllim që të zbardhen vrasjet me motive politike, si kjo e kryefamiljarit tonë.
Në emër të familjes Manaj ju falënderojmë dhe ju jemi shumë mirënjohes që sot ishit me Ne, fizikisht dhe me mendje e zemër në këtë ditë kujtimi !