Ky është ish-ushtari i UÇK-së që sot u ftua nga Gjykata Speciale - Bota Sot
Ky është ish-ushtari i UÇK-së që sot u ftua nga Gjykata Speciale

Aktuale

Ky është ish-ushtari i UÇK-së që sot u ftua nga Gjykata Speciale

Më: 23 korrik 2019 Në ora: 19:51
Avdi Ibrahimi

Ish-zëvendëskomandanti i Brigadës 128 i Zonës Operative të Pashtrikut (ZOP), Avdi Ibrahimi, ka marrë ftesë nga Gjykata Speciale.

Kjo është bërë e ditur nga vetë Ibrahimi, përmes një postimi në Facebook.

Ai nuk ka treguar se në çfarë cilësie është ftuar, por thotë se do të paraqitet në Hagë më 2 tetor.

“Të nderuar, dhe shumë të respektuar bashkëkombës. Ndjej një obligim moral e qytetar t’ju njoftoj se sot rreth ores 14, 20 minuta kam marrur ftesë nga Dhomat e Specializuara në Hagë të paraqitem më date 02 tetor 2019”, ka njoftuar ai në rrjetin social.

Ibrahimi ka thënë se Gjykata Speciale është politike dhe e sajuar nga shpifjet.

“Përkundër bindjeve që kamë për këtë gjykat politike të sajuar nga shpifjet, të pavërtetat e shtetit serbë për ta njollosur luftën e pastër të UÇK-së, edhe pse unë nëpërmjet shkrimeve të cilat i kam bërë publike kam shprehur hapur kundërshtimin e kësaj gjykate të ngritur mbi bazën e raportit të Dik Martit, por që e ka miratuar Këshilli Europian”, ka shkruar Ibrahimi.

“Duke besuar në drejtësi të paanshme, do të paraqitem në kohën e caktuar në hetuesin e Gjykatë Speciale për intervistim. Jam intervistuar vite më parë, edhe dy here të tjera nga Gjykata Speciale e EULEX, dhe deklarata ime ka qenë publike, se vërtet unë nuk kamë asfarë njohurie të ketë bërë dikush nga njerëzit e UÇK-së ndonjë krim, pretendime të tilla të pabaza i kam hedhur poshtë dhe ashtu do të ndodhë edhe në rastin kur të paraqitem sërish para Gjykatës Speciale të Hagës”, ka përfunduar Ibrahimi.

Gjatë ditës së sotme për në Hagë është nisur kryeministri në largim, Ramush Haradinaj, dhe ish-zëdhënësi i UÇK’së, Jakup Krasniqi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...