Rikthehen kolonat në pikëkalimet kufitare, pritjet më të gjata në Merdare

Aktuale

Rikthehen kolonat në pikëkalimet kufitare, pritjet më të gjata në Merdare

Më: 24 korrik 2019 Në ora: 14:27
Foto ilustrim

Kolona të gjata janë shkaktuar në pikëkalimet kufitare të Kosovës me Serbinë. Kjo supozohet të ketë ndodhur si pasojë e fluksit të mërgimtarëve të cilët po vijnë në Kosovë.

Sipas njoftimit nga Qendra Kombëtare për Menaxhim Kufitar, kolonat më të gjata janë shkaktuar në pikë kalimin kufitar në Merdare, deri në 500 metra në hyrje ndërsa në dalje deri në 300 metra.

Po ashtu te Dheu i Bardhë kolonat në hyrje janë deri në 150 metra, ndërsa në dalje deri në 250 metra. Kurse në pikë kalimin kufitar në Muçibabë, kolonat në hyrje janë deri në 250 metra kurse në dalje deri në 150 metra, përcjell Telegrafi.

Në njoftim të Qendrës Kombëtare për Menaxhim Kufitar, thuhet se pritjet në pikë kalimin kufitar në Merdare në hyrje janë deri në një orë e gjysmë kurse në dalje deri në gjysmë ore.

Te Dheu i Bardhë pritjet në hyrje janë deri në 20 minuta kurse në dalje deri në gjysmë ore. Ndërsa në pikalimin Muçibabë pritjet në hyrje janë deri në 30 minuta kurse në dalje deri në 20 minuta.

Ndërsa pikalimet tjera kufitare janë të kalueshme dhe pa kolona.

Për të përcjellë në kohë reale gjendjen në pikë-kalimet kufitare qytetarët mund të informohen duke klikuar në web faqen e Qendrës Kombëtare për Menaxhim Kufitar.

Image

 

commentFirst article
Sot mund të lexoni Shfletoni kopertinat