Kryeministri në dorëheqje i Kosovës, Ramush Haradinaj, ka zhvilluar një takim lamtumirës me Ambasadorin e Francës në Kosovë Didier Chabert.
Haradinaj shkruan se Kosova e konsideron Francën aleat të saj dhe mbështetëse në rrugën euro-atlantike të vendit tonë.
Postimi i plotë:
Takim lamtumirës me Ambasadorin e Francës në Kosovë Didier Chabert, me të cilin në vazhdimësi kemi pasur bashkëpunim konstruktiv. Ambasadorin Chabert e falënderova për angazhimin e tij në proceset politike në vend dhe në fuqizimin e marrëdhënieve bilaterale me Francën, si dhe shpreha përkushtimin tonë për avancimin e këtij partneriteti në fushat e interesit të dyanshëm, me theks të veçantë në këmbimet tregtare dhe ekonomike. Kosova e konsideron Francën aleat të saj dhe mbështetëse në rrugën euro-atlantike të vendit tonë.
