Zyrtarë të LDK-së dhe Lëvizjes Vetëvendosje, janë takuar sot në Prizren. Kryetari i kësaj komune nga Vetëvendosje, Mytaher Haskuka, u takua me përfaqësuesit e kryesisë së degës së LDK-së në Prizren, përkatësisht kryetarin e ri të kësaj dege, Anton Quni dhe ish kryetarin dhe deputetin aktual, Haxhi Avdyli.
Ai ka njoftuar se kanë biseduar rreth një koalicioni të mundshëm.
Postimi i plotë:
Sot në takim prita përfaqësuesit e kryesisë së degës së LDK-së në Prizren, përkatësisht kryetarin e ri të kësaj dege, Anton Quni dhe ish kryetarin dhe deputetin aktual, Haxhi Avdyli.
Me këtë rast, kryetarit Quni i urova suksese në postin e ri, ndërkaq në bashkëbisedim diskutuam rreth koordinimit sa më të mirë të koalicionit në qeverisjen lokale.
