Sekretari i Përgjithshëm i LDK-së, Ismet Beqiri, në prag të kuvendit zgjedhor të kësaj partie që mbahet të shtunën më 3 gusht ka shpërndarë një fotografi të tij nga konventa e parë që është mbajtur më 1991.
Beqiri në postimin që ka bërë në profilin e tij në Facebook ka thënë se LDK ka historinë, të sotmen dhe të ardhmen e saj, duke shtuar se ajo nuk mund të gjunjëzohet nga askush.
“Nga fjalimi im në punimet e Kuvendit të I-rë zgjedhor të LDK-së, 5 maj 1991 në lokalet e Medreses Alaudin në Prishtinë”, ka shkruar Beqiri.
Postimi në Facebook:
Nga fjalimi im në punimet e Kuvendit të I-rë zgjedhor të LDK-së, 5 maj 1991 në lokalet e Medreses Alaudin në Prishtinë.
LDK ka historinë, të sotmen dhe të ardhmen e saj.
Ajo as më herët as tani nuk është gjunjëzuar dhe nuk mund të gjunjëzohet nga askush, as nga brenda as nga jashtë,
LDK është aset i yni kombëtar.
Si Delegat i të gjitha Kuvendeve të gjerë tanishme, për mua LDK është mbi të gjitha, mbi çdo interes tonin personal.
Ta ruajm dhe zhvillojm LDK-në!!