Analisti amerikan Daniel Server ka deklaruar se “nuk është e mençur” deklarata e para disa ditëve e shefit të diplomacisë serbe vica Daçiq që të organizoj mbështetje për Tramp në zgjedhjet e ardhshme, transmeton “Radio Evropa e Lirë (RSE), përcjell “Bota Sot”
"Është e qartë se Daçiq mendon se ka miq në administratën aktuale dhe dëshiron që të i mbështes. Por gjithçka çka bëri ka sigurua se kushdo që bëhet president i ardhshëm i ShBA-ve nga radhët e Partisë Demokratike, Dapiqin dhe Serbinë ndoshta do i trajtoj si armiq. Pra kjo nuk është aspak e mençur ", tërhoqi vërejtjen Server.
Eksperti amerikan për çështje të Ballkanit Daniel Server shtoi se " Është gabim i madh shpërfaqja e aleancave me njërin apo grupin tjetër politik amerikan, sepse përherë ekziston mundësia e ndryshimit të pushtetit ".
Sipas Server " nëse këtë e bëni, atëherë duhet të përgatiteni që të pritni konsekuenca nëse fiton pala që nuk e keni mbështet ".
Amerikanët tash do të kenë kujdes dukshëm më të madh në lidhje me ndikimin në procesin zgjedhor gjatë zgjedhjeve që vijnë thotë ai.
Ish-zyrtari i Pentagonit i ngarkuar për Ballkan Majk Karpenter ka kritikuar deklaratën e Daçiq duke konsideruar përzierje në punët e brendshme të ShBA-ve.
Daçiq këtë javë ka thënë se do të organizoj serbët që jetojnë në ShBA që në zgjedhjet e ardhshme të mbështesin presidentin aktual Tramp.
"Konkretisht si ministër do të organizoj dhe formalizoj mbështetjen për Tramp në zgjedhjet e ardhshme. Serbët në ShBA edhe ashtu votojnë për Tramp. Nëse këtë e bëjmë me mençuri dhe bashkojmë votat, që nuk janë pak, do të krijojmë pozicion më të mirë në administratën e re ", theksoi Daçiq duke përkujtuar se në Amerikë jetojnë mbi 650 mijë serb.
Daçia ka thënë të njëjtën gjë kanë bërë shqiptarët kur kanë bashkuar votat e diasporës së vetë.
