Kryetari i Republikanëve të Kosovës Faton Kurti, ka thënë se seanca për shpërbërjen e Kuvendit të Kosovës, po zvarritet.
Ai për këtë ka fajësuar presidentin e Kosovës Hashim Thaçin dhe kryeministrin shqiptar Edi Ramën, përcjell Bota sot.
Sipas tij, Thaçi dhe Rama po mundohen t’i bindin disa nga partitë në Kosovë, për të formuar qeverinë e re pa shkuar në zgjedhje.
Reagimi i plotë i Kurtit në Facebook:
Pse po shtyhet zvarrë diçka që mund të bëhet menjëherë!
22 Gushti, për zhbërjen e Kuvendit të Kosovës - është 22 ditë vonë dhe 22 ditë vazhdim i zhvatjes, manipulimeve dhe përpjekjeve të presidentit Thaqi me kryeministrin shqiptar, Edvin Rama që t’i bindin disa nga partitë në Kosovë për të formuar qeverinë e re të Kosovës pa shkuar fare në zgjedhje!