Kryetari i LDK-së, Isa Mustafa, nëpërmjet një deklarate publike, ka thënë se ata që e kanë kultivuar korrupsionin nuk mund ta luftojnë atë.
Me gjasë, Mustafa, këtë deklaratë e ka dhënë duke iu referuar deklaratave të kryetarit të Kuvendit, Kadri Veselit, i cili ditëve të fundit shprehet fuqishëm se do ta luftoj korrupsionin.
Mustafa rendit një mori arsyesh se përse këta s’mund ta luftojnë korrupsionin.
Postimi plotë i tij:
Jo, jo!
Ata që e kanë kultiuar korrupsionin dhe nepotizmin nuk mund ta luftojnë as njërën e as tjetrën. Veç mund ta reformojnë dhe reorganizojnë për nevoja të veta.
Ata që lidhën kontrata të dyshimta dhe të dëmshme në Telekom; ata të aferës së pasaportave; ata të vjedhjes së dhomës së dëshmive; ata që i mbushën kompantë publike me njerëz partiak; ata që fabrikuan dhe nënshkruan vërtetime të rrejshme për veteranë të luftës; ata që e katandisën paran publike ; ata…. duhet të shkojnë në lavazh, të pastrohen mirë, brenda e jashtë. Jo të qeverisin me Kosovën! IM