Deputetja e Lëvizjes Vetëvendosje, Arbërie Nagavci, shprehet se në Partinë Demokratike të Kosovës, ka panik. Këtë mendim, ajo e ka bërë përmes një postimi në Facebook, si kundërpërgjigje pas deklaratës së ministrit në largim, Uran Ismaili për Albin Kurtin.
Ajo përmes një postimi në Facebook, ka thumbuar se Ismailin duke i thënë se do të mbahet mend vetëm për “për postime të sponzorizuara të fotove manipulative me të cilat mundohej të fsheh realitetin e trishtuar në sistemin e shëndetësisë ku akoma mungojnë dorëzat e barnat esenciale, do të mbahet mend për furnizimin me stenda që nuk garantojnë as minimumin e cilësisë për pacientët, për furnizimin e QKUK-së me shtretër që nuk i zinin dyert për t’i futur në dhoma, për rastet kur pacientët duhet të blejnë ilaqet e mjetet bazike siç janë gypat e anestezionit, para ndërhyrjeve urgjente kirurgjike....”
Postimi i plotë:
PDK në panik
Uran Ismaili vetëm se shpërfaqi frikën e tij dhe të bashkpartiakëve nga e vërteta që ata e dinë mirë:
Pas kaq vite qeverisje korruptive e të kriminalizuar, përfundimisht PDK do të shkojnë në opozitë.
Ish ministri Ismaili është në panik, pasi koha e tij tashmë ka përfunduar, por mbi të gjitha sepse ai dhe të tjerët si ai, do të japin llogari për çdo tender korruptiv, për çdo ndërhyrje kriminale e shkelje ligji.
Ish ministri Ismaili do të mbahet në mend për postime të sponzorizuara të fotove manipulative me të cilat mundohej të fsheh realitetin e trishtuar në sistemin e shëndetësisë ku akoma mungojnë dorëzat e barnat esenciale, do të mbahet mend për furnizimin me stenda që nuk garantojnë as minimumin e cilësisë për pacientët, për furnizimin e QKUK-së me shtretër që nuk i zinin dyert për t’i futur në dhoma, për rastet kur pacientët duhet të blejnë ilaqet e mjetet bazike siç janë gypat e anestezionit, para ndërhyrjeve urgjente kirurgjike....
Për shumë skandale do të mbahet mend.
Dhe do të jap llogari në qeverisjen e udhëhequr nga Albin Kurti.
#QeveriaKurti
