Zëvendëskryeministri në detyrë i Kosovës, Enver Hoxhaj, ka reaguar ndaj sulmit që serbët bënë ndaj Konsullatës së Kosovës në Danimarkë.
Hoxhaj u shpreh se ata mund të dëmtojnë emblemën e Kosovës, por jo atë që ajo përfaqëson.
Përmes një postimi në Twitter Hoxhaj tha se Kosova është shtet i pavarur, sovran dhe demokratik që nga viti 2008.
“Vandalët serbë sulmuan sot Konsullatën e Republikës së Kosovës në Mbretërinë e Danimarkës. Ata mund të dëmtojnë emblemën tonë, por jo atë që përfaqëson. Kosova është shtet i pavarur, sovran dhe demokratik që nga viti 2008. Serbia dhe huliganët e saj më mirë të mësohen me këtë realitet”, ka shkruar Hoxhaj.
