Zeka beson se PEK-u do ta marrë pushtetin, jep premtime interesante - Bota Sot
Zeka beson se PEK-u do ta marrë pushtetin, jep premtime interesante

Aktuale

Zeka beson se PEK-u do ta marrë pushtetin, jep premtime interesante

Më: 15 gusht 2019 Në ora: 00:43
Milaim Zeka

Kryetari i Partisë Euroatlantike të Kosovës, Milaim Zeka, ka treguar planet e subjektit të tij, nëse bëhet pjesë e qeverisë së ardhshme të vendit.

Ai është shprehur shumë optimist se PEK do të marrë pushtetin. Zeka ka paralajmëruar se partitë e vogla do ta krijojnë qeverinë e re.

“Baza jonë është: Stop hajnisë së parasë publike”, ka thënë Zeka në emisionin “Pressing”, në televizionin T7.

Sipas Zekës, nëse partia e tij vjen në pushtet, nuk do të ketë “asnjë makinë me shkronjën Z. Veturat zyrtare do të tërhiqen”.

“Do t’ia kursejmë shtetit 250-300 milionë euro”, ka deklaruar Zeka në T7.

Ai po ashtu ka paralajmëruar veprime të tjera, nëse PEK hyn në qeveri.

“Do të heqim TVSH’në në dogana. Ku ke pa, pos në vende diktatoriale”, është shprehur ai.

“S’ka homologim. S’ka vazhdim të regjistrimit të makinave çdo vit, por çdo dy vite”, ka premtuar Zeka. /Express/

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...