Publikohet një fotografi të Tomor Morinës pas lirimit nga paraburgimi - Bota Sot
Publikohet një fotografi të Tomor Morinës pas lirimit nga paraburgimi

Aktuale

Publikohet një fotografi të Tomor Morinës pas lirimit nga paraburgimi

Më: 15 gusht 2019 Në ora: 09:27
Tomor Morina

Në rrjetet sociale janë publikuar fotografi ku shihet ish-luftëtari i UÇK-së, Tomor Morina, i cili sot u lëshua nga paraburgimi në burgun e Shutkës.

Ish ushtari i UÇK-së Tomor Morina është liruar nga paraburgimi pas tre javësh paraburgim. Nga Shutka, Morina doli i shoqëruar nga zyrtarë të ambasadës së Kosovës, familjarë dhe shokë të tij. Për shkak se Morina ndodhej në veturën e ambasadës së Kosovës, i njëjti nuk u prononcua për media.

Mirëpo në rrjetet sociale janë shpërndarë fotografi ku shihet Morina i shoqëruar nga miqtë dhe familjarët e tij.

Image

Vendimi për lirimin e Morinës erdhi pas mendimit negativ për ekstradim që dha Penalja dhe vendimit të sotëm që Gjykatës Supreme që e vërtetoi vendimin e shkallës së parë.

Autoritetet në Kosovë kanë mirëpritur lirimin e ish-ushtarit të UÇK-së ndërsa lirimi i Morinës shkaktoi reagime në Serbi.

Ministrja serbe Drejtësisë Nela Kuburoviq ka thënë se vendimi për mos ekstradimin e Morinës tregon edhe njëherë se poliitka ishte mbi ligjin dhe drejtësinë, duke e quajtur këtë vendim të turpshëm.

Ish ushtari i UÇK-së Tomor Morina ishte arrestuar nga policia maqedonase më 24 korrik, në bazë të një fletarresti të Interpolit, të lëshuar me kërkesë të Serbisë. Morina dyshohet nga ana e autoriteteve të Serbisë se para 20 vjetëve, si pjesëtar i UÇK-së, ka bërë krime kundër popullatës civile në Kosovë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...