Kryeministri në detyrë, Ramush Haradinaj në përvjetorin e shtatë të vdekjes së tij, Arbën Xhaferit, ka thënë se ishte lider i pakompromentuar dhe me ideale të larta, i cili do të kujtohet përherë si mendimtar i lirisë, që u bë zë dhe udhërrëfyes i shumë brezave.
Haradinaj ka shkruar në Facebook se Arbën Xhaferi shënon kthesë në avansimin e të drejtës shqiptare.
“Arbën Xhaferi ishte personaliteti që gjithë jetën e tij ia dedikoi kauzës sonë, të drejtave të ligjshme të popullit tonë. Sot në përvjetorin e shtatë të vdekjes së tij, Arbën Xhaferin e kujtojmë si veprimtar, atdhetar dhe politikan, që dëshmoi se identieti ynë, e drejta jonë, peshojnë më shumë se çkado tjetër në jetën e njeriut. Lider i pakompromentuar dhe me ideale të larta, Xhaferi do të kujtohet përherë si mendimtar i lirisë, që u bë zë dhe udhërrëfyes i shumë brezave”, ka shkruar ai.
