Haradinaj: Vazhdimi i dialogut i nevojshëm, por pa kushte dhe pa vonesa - Bota Sot
Haradinaj: Vazhdimi i dialogut i nevojshëm, por pa kushte dhe pa vonesa

Aktuale

Haradinaj: Vazhdimi i dialogut i nevojshëm, por pa kushte dhe pa vonesa

Më: 15 gusht 2019 Në ora: 14:32
Ramush Haradinaj

Kryeministri në dorëheqje, Ramush Haradinaj, thotë se pajtohet me nevojën për normalizimin e marrëdhënieve në mes Kosovës e Serbisë. Haradinaj shkruan në tëitter se dialogu duhet të zhvillohet pa kushte dhe shtyrje të mëtutjeshme.

“Pajtohem për domosdoshmërinë e normalizimit në  mes Kosovës dhe Serbisë. Qeveria i ka prezantuar QUNIT-it dhe Bashkimit Evropian draft marrëveshjen me Serbinë ku përfshihen tema të papërfunduara për njohje reciproke në kufijtë ekzistues. E ripërsëris, dialogu pa kushte, pa shtyrje”, ka shkruar Haradinaj.

Kujtojmë se  shtetet e QUINT-it kanë kërkuar që Kosova të heqë taksën 100 përqind ndaj produkteve serbe, të ndalet fushata e Serbisë për pengimin e anëtarësimit të Kosovës në organizata ndërkombëtare dhe të vazhdojë dialogu për normalizimin e marrëdhënieve në mes të të dyja vendeve.

Shfaq komentet
comments powered by Disqus
Sot mund të lexoni Shfletoni kopertinat