Pacolli: Arbën Xhaferi ishte rilindas modern i kombit shqiptar - Bota Sot
Pacolli: Arbën Xhaferi ishte rilindas modern i kombit shqiptar

Aktuale

Pacolli: Arbën Xhaferi ishte rilindas modern i kombit shqiptar

Më: 15 gusht 2019 Në ora: 20:37
Arbën Xhaferi

Ministri i Jashtëm i Kosovës, Behgjet Pacolli, ka kujtuar në 8-vjetorin e vdekjes Arbën Xhaferin për të cilin tha se ishte një rilindas modern i kombit shqiptar.

“Ai ishte njeriu që kishte shndërruar në alternativa politike qeverisëse dy Lëvizje çlirimtare, atë të Kosovës dhe atë të Maqedonisë si këshilltar, si protagonist i këtyre shndërrimeve properëndimore të kombit shqiptar”, tha Pacolli.

Pacolli deklaroi se mësimet e Xhaferit janë ndriçuese për shumë prej krizave tona të sotme.

Postimi i plotë i Pacollit:

Sot kujtoj mikun tim Arbën Xhaferin, një njeri më të cilin me pasion diskutoja për të ardhmen e kombit tonë, një njeri që kishte vizion dhe mision integrimin ndër-shqiptar. Ai ishte një Rilindas modern i kombit shqiptar. Ai ishte njeriu që kishte shndërruar në alternativa politike qeverisëse dy Lëvizje çlirimtare, atë të Kosovës dhe atë të Maqedonisë si këshilltar, si protagonist i këtyre shndërrimeve properëndimore të kombit shqiptar. Ai i paraprinte proceseve emancipuese të kombit shqiptar me idetë e veta, me platformën e tij kombëtare, me kritikën e vet për dukuritë degraduese, me aksionin e vet politik. Mësimet e tij janë ndriçuese për shumë prej krizave tona të sotme, për ekstremizmin fetar, për marrëdhëniet me fqinjët, për orientimin properëndimor të kombit. Na mungon shumë në këto kohë Arbëni.

Shfaq komentet
comments powered by Disqus
Sot mund të lexoni Shfletoni kopertinat