Lëvizja Vetëvendosje, është partia politike me më së shumti donacione.
Këtë e ka konfirmuar edhe zyrtari i kësaj partie Arbër Zaimi, i cili ka thënë se VV-ja është subjekti më transparent përmes donacioneve të anëtarëve dhe të mbështetësve, përcjell Bota sot.
Ai ka treguar se deputetët e VV-së, dhurojnë një pjesë të rrogës së tyre për Lëvizjes, e këtë gjë Zaimi e ka quajtur “praktikë shembullore”.
Postimi i Zaimit:
Lëvizja VETËVENDOSJE!, subjekti më transparent, i cili financohet nga donacione të vogla, por të shumta.
Vetëm kështu mund të ndërtohet një subjekt politik i pavarur nga korporatat e nga krimi, kur shpenzimet i mbulon me donacione nga anëtarët dhe mbështetësit.
Falënderime shkojnë edhe për ata deputetë që një pjesë të rrogës së tyre e dhurojnë për Lëvizjen, sipas praktikës shembullore të deritashme.