Deputeti i LDK-së, Haxhi Avdyli, përmes një shkrimi në llogarinë e tij në Facebook, ka reaguar ashpër ndaj dy liderëve të vendit, pasi këta janë parë së bashku të buzëqeshur bashkë në një sofër.
Ai thotë se Thaçi e Haradinaj të gjitha i harrojnë kur vije puna e mishit dhe e rakisë.
Sipas tij, këta të fundit harrojnë sharjet, mospajtimet mes vete, harrojnë programet, harrojnë kufirin e taksën, veç të mbushin xhep e stomaqe.
Ja shkrimi i tij:
Foto flet shumë. Kur vjen puna e mishit, rakisë, tenderit, pozitave , e zhvatjes, krejt i harrojnë. Harrojnë sharjet, mospajtimet mes vete, harrojnë programet, harrojnë kufirin e taksën veq të mbushin xhep e stomaqe.
Tik taku mbarimit të tyre për ta ka filluar. Pas tetorit pluhuri i harresës historike do i mbulojnë si Qeveritarë grykësa të pangopur.
