Instituti Riinvest po vazhdon aktivitetet lidhur me projektin ‘Kodi anti-korrupsion i bizneseve’, me qëllim refuzimin e korrupsionit në aktivitetet e tyre biznesore.
Drejtuesi i Institutit “Riinvest” për Hulumtime Zhvillimore, Muhamet Mustafa ka shkruar në Facebook se në bashkëpunim me Oden Ekonomike të Kosovës, AEA, OEGJ, Klubin e Prodhuesve , dhe Rrjetin për përgjegjësi sociale të korporatve, pas studimit të publikuar në maj të këtij viti, po konsultojnë bizneset lidhur me dispozitat që duhet të përmbajë Kodi.
“Në konsulten e djeshme në Ferizaj, bizneset paraqiten një sërë vështirësish me të cilat përballen , si pasoje e praktikave të korruptimit dhe luftës jo efikase ndaj korrupsionit. Ato mbështeten projektin që po realizon RIINVEST me mbështetje të Ambasadës së Norvegjisë dhe të FKSHC”, ka shkruar ai në Facebook.
