Kush është Shaban Muja, personi që mori para për ta vrarë Rugovën - Bota Sot
Kush është Shaban Muja, personi që mori para për ta vrarë Rugovën

Aktuale

Kush është Shaban Muja, personi që mori para për ta vrarë Rugovën

Nga: D.RR Më: 17 gusht 2019 Në ora: 22:02
Shaban Muja

Njëri prej personave kyç të Lëvizjes Popullore të Kosovës (LPK), Shaban Muja, ish i burgosur politik në Kosovë, është përmendur nga Milaim Zeka, si person i cili mori ofertë nga Bujar Bukoshi për ta vrarë presidentin Ibrahim Rugova, shkruan “Bota sot”.

Shaban Muja është njëri nga personat që kishte qenë prezent në takimin që u zhvillua në Oslo, ndërmjet Ahmet Krasniqit, Xhavit Halitit dhe të tjerëve.

Shaban Muja është vëllai i ish deputetit të Kuvendit të Kosovës, Shaip Muja.

Lidhur me deklaratën e Milaim Zekës, ka folur vet Shaban Muja.

Ish-aktivisti i ilegales, Muja deklaroi se nuk i janë ofruar para për këtë punë, por i është thënë që nëse dëshirojnë para për luftë, duhet likuiduar “Zabuni” e “Belba” – (“Belba” sipas Zekës ishte nofka e Fehmi Aganit ndërsa “Zabuni” ka qenë Ibrahim Rugova).

“Unë i qëndroj mbrapa çdo deklarate që kam thënë, secilës, më kanë thënë që nëse doni para për luftë, kryne qata”, ka deklaruar Shaban Muja.

E lidhur me ofertat për vrasjen e Rugovës, Muja edhe më herët në një intervistë për emisionin “Pa Rrotlla” të Milaim Zekës, e kishte përmendur se për t’iu dhënë para për luftë, duhet të likuidohet Ibrahim Rugova dhe Fehmi Agani.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...