Endrit Shala, nga Nisma Socialdemokrate ka demantuar lajmin se Dardan Gashi, i është bashkuar këtij subjekti politik.
Gjatë ditës së sotme në medie u raportua se për shkak se zëvendëskryeministri në detyrë, Dardan Gashi, i cili është nga radhët e Listës së Rugovës, i është bashkuar Nismës Socialdemokrate, pasi që udhëheqësi i kësaj Liste, Ukë Rugova ka vendosur t’i bashkohet Lidhjes Demokratike të Kosovës.
Një gjë e tillë është mohuar nga përfaqësuesit e Nismës Socialdemokrate.
Endrit Shala, ministër në detyrë i Tregtisë dhe Industrisë e ka mohuar këtë.
“Nuk është aspak e vërtetë që zëvendëskryeministri në detyrë, Dardan Gashi, i është bashkuar Nismës”, ka thënë shkurt Shala.
Theksojmë se, Lista Rugova është themeluar 2009 e udhëhequr nga Ukë Rugova, ajo fillimisht kishte garuar me AAK-në, pastaj me LDK-në përmes Teuta Rugovës.
Kjo Listë ka qenë dy herë pjesë e koalicionit qeverisës duke u përfaqësuar me ministra dhe zëvendësministra.
