Kryeministri në detyrë, Ramush Haradinaj, ka kujtuar Bajram Rexhepin në dyvjetorin e ndarjes nga jeta.
Haradinaj, shkroi në Facebook që Rexhepi do mbetet gjithmonë si një ndër personalitet me virtytet e fisnikërisë dhe se Rexhepi mori detyren e kryeministrit në një kohë kur vendi ishte me plotë sfida. Tutje, Haradinaj shkruan që i përulet kujtimit dhe veprës së ish-kryeministrit Bajram Rexhepi.
Postimi i plotë
Bajram Rexhepi, do të mbetet gjithmonë në kujtesen shtetërore si personalitet që e shquanin virtytet e fisnikërisë, përkushtimit dhe profesionalizmit. Ai iu përgjigj thirrjes së dyfishtë, profesionale dhe patriotike të luftës çlirimtare. Në një kohë përplot sfida, të rimëkëmbjes së vendit, mori detyrën e Kryeministrit të Kosovës, duke luajtur rol konstruktiv në shumë procese të vështira politike. Përulem me respekt para kujtimit dhe veprës së ish-kryeministrit Bajram Rexhepi.
RH