Gara: Aeroporti nuk është mbyllur, vijojnë fluturimet - Bota Sot
Gara: Aeroporti nuk është mbyllur, vijojnë fluturimet

Aktuale

Gara: Aeroporti nuk është mbyllur, vijojnë fluturimet

Më: 21 gusht 2019 Në ora: 10:40
Aeroporti i Prishtinës

(E plotësuar) - Greva e punëtorëve të Aeroportit Ndërkombëtar të Prishtinës sot ka hyrë në ditën e tretë. Nëse në dy ditët e kaluara ka pasur greva më të shkurtra në kohë, sot e njëjta do të vijojë deri në ora 14:00.

Pas qarkullimit të lajmeve se janë anuluar disa fluturime dhe aeroporti është mbyllur, ka pasur edhe nga një reagim nga ANP “Adem Jashari”.

Zëdhënësja Valentina Gara ka thënë shkurt se operimet nuk janë mbyllur dhe se ne aeroport vijojnë të procesojë të gjitha fluturimet.

“Mirësisht informojmë udhëtarët tanë se ANP 'Adem Jashari' nuk ka mbyllur operimet, por vazhdon të procesojë të gjitha fluturimet dhe udhëtarët”, tha ajo.

Ndryshe, në lidhje me grevën e sotme, Gara do të deklarohet pas përfundimit të saj, pas orës 14:00.

***

Dy fluturime janë anuluar të cilat ishin paraparë që sot të fluturojnë nga Aeroporti Ndërkombëtar i Prishtinës. Ato janë realizuar nga Shkupi. E gjithë kjo si pasojë e grevës që punëtorët e ANP-së janë duke e mbajtur që tre ditë.

E greva e punëtorëve të Aeroportit Ndërkombëtar “Adem Jashari” në Prishtinë po vazhdon edhe sot, kjo pasi përpjekjet për të dialoguar me menaxhmentin rreth kërkesave të tyre, deri më tash nuk kanë treguar rezultate.

“Nëse në dy ditët e mëparshme kemi pasur grevë njëorëshe, respektivisht dyorëshe, sot greva do të zgjasë 6 orë. Ajo do të nisë në orën 08:00 dhe do të përfundojë në orën 14:00.

Pesë kërkesat e tyre kyçe të punëtorëve karshi menaxhmentit të Aeroportit të Prishtinës janë kompensimi dhe benefitet për rrezikshmërinë, të eliminohen dallimet në pagesë në rastet ku punëtorët kanë detyrat dhe përshkrimin e njëjtë të punës, orët e njëjta të punës duke ngritur pagat e ulëta në nivelin e barabartë me kolegët, pagesën për përvojë të punës, orët e punës gjatë vikendit të paguhen, si dhe pagesa e shujtës”.

Në dy ditët e mëparshme, greva ka shkaktuar vonesa dhe tollovi në Aeroportin Ndërkombëtar të Prishtinës, duke bërë që shumë fluturime të shtyhen.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...