Ministri i Brendshëm: Menaxhmenti i ANP-së duhet t’i evitojë shkeljet, përndryshe aeroporti s’ka si të funksionojë

Aktuale

Ministri i Brendshëm: Menaxhmenti i ANP-së duhet t’i evitojë shkeljet, përndryshe aeroporti s’ka si të funksionojë

Më: 21 gusht 2019 Në ora: 11:59
Aeroporti Ndërkombëtar “Adem Jashari”

Për grevën në Aeroportin Ndërkombëtar “Adem Jashari”, ka ndërhyrë edhe Ministria e Punëve të Brendshme. Kjo e fundit ka identifikuar 11 shkelje nga ANP-ja, për të cilat është kërkuar intervenim urgjent, në të kundërtën do të pezullohet aktiviteti i aeroportit. Ministri i brendshëm, Ekrem Mustafa, ka thënë se aeroporti nuk është mbyllur.

“Nuk e kemi mbyllë aeroportin, kjo ka ndodhë për shkaqe të grevës. Ministria e Punëve të Brendshme i ka identifikua 11 shkelje që i ka bërë menaxhmenti. Nëse të njëjtit nuk i evitojnë shkeljet nuk ka se si të funksionojë aeroporti. Ne ua kemi tërhequr vërejtjen, menaxhmenti është i obliguar me dhanë përgjigje, disa nga shkeljet i kanë evitu… Nëse nuk i respektojnë procedurat nuk munden me funksionu, sepse nuk guxojmë me rreziku sigurinë ndërkombëtare”, tha Mustafa.

Njëra nga shkeljet ka qenë edhe bartja e pakontrolluar e valixheve nga punëtorët e aeroportit.

Greva e punëtorëve të Aeroportit Ndërkombëtar “Adem Jashari” në Prishtinë po vazhdon edhe sot, kjo pasi përpjekjet për të dialoguar me menaxhmentin rreth kërkesave të tyre, deri më tash nuk kanë treguar rezultate.

“Nëse në dy ditët e mëparshme kemi pasur grevë njëorëshe, respektivisht dyorëshe, sot greva do të zgjasë 6 orë. Ajo do të nisë në orën 08:00 dhe do të përfundojë në orën 14:00.

Pesë kërkesat e tyre kyçe të punëtorëve karshi menaxhmentit të Aeroportit të Prishtinës janë kompensimi dhe benefitet për rrezikshmërinë, të eliminohen dallimet në pagesë në rastet ku punëtorët kanë detyrat dhe përshkrimin e njëjtë të punës, orët e njëjta të punës duke ngritur pagat e ulëta në nivelin e barabartë me kolegët, pagesën për përvojë të punës, orët e punës gjatë vikendit të paguhen, si dhe pagesa e shujtës”.

commentFirst article
Sot mund të lexoni Shfletoni kopertinat