Kreu i Partisë Demokratike të Kosovës, Kadri Veseli ka shpallur kandidaturën për kryeministër.
Ai në Kuvendin e Kosovës ka thënë se që nga dita e parë ka dëshiruar zgjedhje të parakohshme dhe ja sot ku ndodhet vendi, në prag të tyre.
“Si kryetar i Kuvendit kam marr të gjitha iniciativat që të shkojmë në zgjedhje, tani jam i lumtur që të gjitha partitë e kanë respektuar këtë iniciativë”, ka thënë Veseli duke shtuar se ai është kandidat i PDK-së për kryeministër të Kosovës.
Veseli edhe sot ka përmendur luftën kundër korrupsionit duke thënë se këto zgjedhje do të jenë mundësi për qytetarët që duan një shtet evropian dhe pro Shteteve të Bashkuara të Amerikës.
“Kosova nuk ka dështuar. Demokracia po funksionin prandaj votoni më të mirët”, ka thënë në fund Veseli.
