Anëtari i Këshillit të Përgjithshëm të LDK-së, Fadil Geci është pritur sot në zyrën e Partisë Demokratike të Shqipërisë, nga kryetari Lulëzim Basha.
Në këtë takim kanë biseduar për çështjet politike dhe programore.
Ata në takimin e zhvilluar kanë folur edhe për çështjen e Kosovës dhe shqiptarëve në përgjithësi, shkruan gazeta “Bota sot”.
Partia Demokratike dhe Lidhja Demokratike e Kosovës, janë dy parti simotra dhe kanë bashkëpunim të mirë që nga koha kur në krye të LDK-së, ishte presidenti Ibrahim Rugova.
Afërsia e Vëllezërve Geci me Ibrahim Rugovën ka bë që Gecët të kenë raporte të afërta edhe me shumë personalitete në Kosovë e më gjerë.
Vëllezërit Geci janë të afërt edhe me Sali Berishën dhe Lulëzim Bashën, e ky takim edhe po e dëshmon këtë.
