Murtezaj: Koha është e duhur për ndryshim - Bota Sot
Murtezaj: Koha është e duhur për ndryshim

Aktuale

Murtezaj: Koha është e duhur për ndryshim

Nga: N.H Më: 24 gusht 2019 Në ora: 16:43
Valon Murtezaj

Profesori universitar i negocimit ndërkombëtar në Paris, Valon Murtezaj, njhërit edhe anëtar i kryesisë së Lidhjes Demokratike të Kosovës, ka thënë se partia e tij duhet të ofrojë dhe do të ofrojë një vizion që është përmbledhje projektesh qeverisëse integrative në rrugën zhvillimore që e pret Kosovën në tri dekadat e ardhshme.

Murtezaj, me tej në shkrimin e tij në Facebook, deklaron se Kosovës, sot, i duhet lidership qeverisës në mënyrë që t’i sigurohet rrugë e sigurt.

Ai mes të tjerave thekson se është koha e duhur për ndryshim. Ndersa, potencon se si një anëtar i kryesisë së Lidhjes Demokratike të Kosovës do të jap gjithë kontributin konstruktiv, me gjithë përkushtimin pozitiv, në arritjen e këtij vizioni.

Ja shkrimi i tij:

Kosovës, sot, i duhet lidership qeverisës në mënyrë që t’i sigurohet rrugë e sigurtë.

Lidership që i prin ecjes së përshpejtuar të Kosovës, në zhvillimin e saj të brendshëm si shtet, dhe në proceset e integrimit evropian.

Kosovës i duhet një vizion i fuqishëm i bazuar në vlera të demokracive evropiane perëndimore dhe të Shteteve të Bashkuara.

Lidhja Demokratike e Kosovës duhet të ofrojë dhe do të ofrojë një vizion që është përmbledhje projektesh qeverisëse integrative në rrugën zhvillimore që e pret Kosovën në tri dekadat e ardhshme.

Synimi kryesor është për të vendosur në kahjen e duhur punën trasuese për çfarë besohet të jetë dimensioni i ri sfidues zhvillimor për të ardhmen strategjike të Kosoves në tridhjetë vitet e ardhshme.

Koha është e duhur për ndryshim.

Në politikat e brendshme, lufta kundër korrupsionit, sundimi i ligjit, dhe transformimi në të gjitha dimensionet qeverisëse duhet të jenë qëllime primare në dhjetë vitet e ardhshme.

Në politikën e jashtme të Kosovës, mbetet gjetja e rrugëve më efektive në mënyrë që Kosova të këtë pozicion më të mirë në sistemin e marrëdhënieve ndërkombëtare. Kjo kërkon përfaqësim adekuat, mendje dhe sjellje evropiane, dhe lidership të kohës.

Koha po e kërkon që qytetarit të Kosovës t’i ofrohet emocion pozitiv dhe motivim optimist për të ardhmen, duke i ofruar jetë më të mirë.

Në afat-gjatë përqëndrimi duhet të jetë afirmimi dhe jetësimi i këtij vizioni strategjik.

Si një anëtar i kryesisë së Lidhjes Demokratike të Kosovës do të jap gjithë kontributin konstruktiv, me gjithë përkushtimin pozitiv, në arritjen e këtij vizioni.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...