Rrahim Morina, kryesues i Kuvendit të Komunës së Malishevës dhe njëherit zyrtar i LDK-së, ka dalë haptazi në përkrahje të Vjosa Osmanit si kandidate për kryeministre.
Ai thotë se Osmani është shumë e qëlluar dhe që mund t’ia siguroj fitoren LDK-së.
“Vjosa Osmani kandidatja potenciale dhe shumë e qëlluar që mund t’ia siguroj fitoren LDK-së në Zgjedhjet Parlamentare 2019”, shkruan ai në llogarinë e tij në Facebook.
Lidhja Demokratike e Kosovës sot ka mbajtur takimin e Kryesisë për të përzgjedhur mandatarin e ri për kryeministër.
Vjosa Osmani nuk ka treguar nëse do të jetë kandidate për kryeministre.
Ajo tha se kjo do të bëhet e ditur përmes një konference që do ta mbajë LDK-ja.
Ndërsa, sot Arban Abrashi është zgjedhur Sekretar Organizativ i Partisë Lidhja Demokratike e Kosovës.