Ministri në detyrë i Punëve të Jashtme i Kosovës, Behgjet Pacolli dhe i Ngarkuari i përkohshëm me Punë të Ambasadës Hungareze në Prishtinë, Bela Bozsik gjatë një takimi sot rikonfirmuan marrëdhëniet e shkëlqyeshme në mes dy vendeve, me zotime dhe përkushtime të reja për forcimin e mëtejmë të këtyre marrëdhënieve në fusha të interesit të përbashkët.
I Ngarkuari me Punë Bozsik me këtë rast i përcolli një letër urimi që Shkëlqesia e Tij Peter Szijjarto, ministër i Punëve të Jashtme dhe Tregtisë i Hungarisë, dërgon me rastin e ditëlindjes së zëvendëskryeministrit të parë Pacolli, njofton MPJ e Kosovës.