Kryeministri në detyrë Ramush Haradinaj ka nderuar Heroin e Kosovës Naser Brahimaj, në ditën e tij të lindjes.
“Me nderim kujtoj sot Heroin e Kosovës, Naser Brahimaj, në ditën e tij të lindjes. Ai do të mbahet mend si burrë i zoti, luftëtar i shquar shqiptar dhe një ndër nismëtarët e luftës për liri. I përjetshëm kujtimi për të”, shkruan Haradinaj në Facebook.
Ndryshe, Naser Brahimaj është njëri prej figurave më emblematike të Ushtrisë Çlirimtare të Kosovës, jo vetëm në fshatin Shqiponjë e Dukagjin, por edhe në fushëbeteja të tjera anë e kënd Kosovës, duke qenë njëri ndër nismëtarët e luftës për liri dhe pavarësi.
