Ish-deputeti i LDK-së, Avdullah Hoti, përmes një shkrimi të publikuar në Facebook, ka thënë se qeveria e drejtuar nga LDK-ja nuk do të lejojë që njerëzit e pushtetit të kërkojnë hise në bizneset private.
Sipas tij, sektori privat është gjenerator i zhvillimit dhe punësimit, andaj edhe përbën thelbin e programit ekonomik të LDK-së.
Ndërsa, potencon se qeveria e ardhshme e udhëhequr nga LDK-ja do të garantojë që shteti dhe zyrtarët shtetëror nuk do të bëhen hisedar në bizneset private
Ja shkrimi i tij:
Qeveria e drejtuar nga LDK-ja nuk do të lejojë që njerëzit e pushtetit të kërkojnë hise në bizneset private. Bizneset kosovare prapë do të marrin frymë lirisht, siç ka qenë deri më 2017.
Trajtimi i barabartë para ligjit shkatërron monopolet dhe korrupsionin dhe garanton barazi dhe transparencë të plotë në relacionin biznes-shtet.
Sektori privat është gjenerator i zhvillimit dhe punësimit, andaj edhe përbën thelbin e programit ekonomik të LDK-së.
Qeveria e ardhshme e udhëhequr nga LDK-ja do të garantojë që shteti dhe zyrtarët shtetëror nuk do të bëhen hisedar në bizneset private, të cilat janë themeluar e zhvilluar me kapitalin dhe mundin e sipërmarrësve kosovarë guximtarë.
