(E plotësuar) - Lëvizja Vetëvendosje ka nominuar kandidat për kryeministër, kryetarin e saj, Albin Kurtin.
Në fjalën e tij, Kurti kërkoi ndihmë nga aktivistët e Vetëvendosjes për të arritur fitoren.
Ai tha se ka ardhur koha që në Kosovë të përfundojnë qeverisjet e deritanishme, e të cilat Kurti i quajti “qeverisje të këqija”.
Ai tha se me Vetëvendosjen në krye të Qeverisë së Kosovës, do të merr fund korrupsioni.
Motoja e Vetëvendosjes në zgjedhje: Albini përpara, na priftë e mbara
Lëvizja Vetëvendosje ka mbledhur Këshillin e Përgjithshëm për ra zyrtarizuar kandidatin për Kryeministër dhe listën me 100 kandidatë për deputetë.
“Po e ndjej para jush peshën që ta paraqes propozimin për kandidat për kryeministër, i cili do të jetë Kryeministër i ardhshëm”, ka thënë Konjufca para delegatëve.
“Ai është simboli i Vetëvendosje, aktivisti më i dalluar që s’u ndal kurrë, shoku ynë i përkushtuar që nuk të braktisë sepse asnjëherë nuk e lëshon kauzën, deputeti i shkëlqyeshëm veprimtari i palodhshëm më meritori prej nesh, kryetari i VV-së, kryeministri i Kosovës, Albin Kurti”.
“Në betejën e fitores do të hymë me moto të qartë: Albini përpara, na priftë e mbara”.