Në Kosovë ende nuk ka filluar fushata e zgjedhjeve që do të mbahen më 6 tetor.
Madje, për këto zgjedhje do të ketë fushatë vetëm 10 ditë, ngase të njëjtat konsiderohen si të jashtëzakonshme pas dorëheqjes së Haradinajt.
E pikërisht ky i fundit ka nisur një fushatë aktive përmes rrjeteve sociale. Haradinaj në Facebook nuk e ka problem të shpenzoj shuma të mëdha parash për të zgjeruar audiencën e postimeve të tij.
Në atë që njihet ndryshe si butoni “Sponsored”, Haradinaj e ka përdorur në gati 90% të postimeve të tij në Facebook, ku ai lavdëron punën e tij si kryeministër.
Rëndom, një buton i tillë përdoret në rastet kur figurat e ndryshme të cilat bëjnë postime të ndryshme nuk kanë audiencë të mjaftueshme, dhe shpenzojnë para për ta rritur atë.
Lajmi.net ka parë që shumice e postimeve të Haradinajt në faqen e tij në Facebook, janë të sponzorizuara.