Vuçiq thotë se ndërkombëtarët dhanë para kundër Listës Srpska - Bota Sot
Vuçiq thotë se ndërkombëtarët dhanë para kundër Listës Srpska

Aktuale

Vuçiq thotë se ndërkombëtarët dhanë para kundër Listës Srpska

Më: 8 shtator 2019 Në ora: 19:07
Aleksandër Vuçiq

Presidenti i Serbisë, Aleksandar Vuçiq, ka bërë akuza të rënda ndaj korit diplomatik në Kosovë, duke thënë se ata dhanë para në kafene dhe zyra për serbët, në mënyrë që ata të garojnë kundër Listës Serbe.

E kësisoj, sipas tij, “edhe kundër interesave të Serbisë”, derisa ka shtuar bindjen se “kjo vetëm se do t’i bëjë edhe më të bashkuar serbët”.

Vuçiq nuk ka përmendur emra se për kë e ka fjalën konkretisht, por vetëm ka thënë se janë përfaqësues të huaj.

“Përfaqësuesit e huaj në kafene dhe zyra të ndryshme ofruan para para serbëve për t’i bindur të garojnë kundër Listës Serbe, në zgjedhjet e 6 tetorit”, ka thënë Vuçiq, përcjell Tanjug.

Duke vlerësuar se “kjo do t’i bashkojë më tej serbët dhe se Lista Serbe do të fitojë bindshëm”, Vuçiq pyeti “se si mund të pritet që dikush që merr para nga ambasadat e huaja, të mbrojë interesat e Serbisë”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...