Gjatë kohës që Dardan Molliqaj ishte pjesë e Lëvizjes Vetëvendosje kishte akuzuar AAK-në se iu merrte haraç bizneseve në Dukagjin.
Ai gjatë kësaj kohë, nuk kishte lënë gjë pa i thënë Haradinajt, që tani janë në një koalicion të përbashkët. Por, lind pyetja se a i ka dëgjuar kryetari AAK-së ndonjëherë këto deklarata të forta të Dardan Molliqajt?
AAK dhe PSD do të garojnë në një listë të përbashkët në zgjedhjet e parakohshme që do të mbahen në fillim të tetorit.
Këto akuza gjithashtu ishin rikujtuar pas koalicionit mes PSD-së së Molliqajt dhe AAK-së.
Daut Haradinaj deklaronte se nuk është prekur nga akuzat e Molliqajt pasi ato nuk kanë qenë në drejtim të tij personalisht. Ai tha se kanë pasur dallime politike, por familjarisht janë miq.