Dy shkencëtarë i bashkohen Vetëvendosjes

Aktuale

Dy shkencëtarë i bashkohen Vetëvendosjes

Më: 12 shtator 2019 Në ora: 23:40
Durmishi dhe Ismail Ferati i janë bashkuar Lëvizjes Vetëvendosje

Namik Durmishi dhe Ismail Ferati i janë bashkuar Lëvizjes Vetëvendosje.

Prezantimin e tyre e ka bërë kryetari i subjektit, Albin Kurti.

“Namik Durmishi dhe Ismail Ferati janë dy shkencëtarët më të rinj që i bashkohen Lëvizjes VETËVENDOSJE!. Ata janë shqiptarë nga Maqedonia e Veriut. Namiku ka doktoruar në Gjermani në lëminë e Teknologjisë Ushqimore, Agroushqim, kurse Ismaili ka doktoruar në Universitetin Bujqësor të Tiranës në fushën e Mikrobiologjisë”, ka shkruar Kurti në Facebook.

“Që të dy kanë titullin akademik Profesor i Asocuar, ligjërojnë në Universitetin Shtetëror të Tetovës dhe janë bashkëpunëtorë të jashtëm në Universitetin për Biznes dhe Teknologji – UBT, në Departamentin e Shkencave të Ushqimit dhe Bioteknologjisë në Prishtinë. Namiku ka krijuar shumë produkte ushqimore dhe mentoron shumë fabrika ushqimore në Maqedoni dhe rajon. Ismaili temën e doktoratës e ka mbështetur mbi një studim mikrobiologjik të djathit të Sharrit, gjendjes së tij në formën e prodhimit tradicional dhe atij të fabrikuar”.

“Namiku dhe Ismaili janë aktivë si me punime shkencore ashtu edhe me ligjërata të rregullta që mbajnë në Maqedoni, Shqipëri e Kosovë. Ardhja e tyre në Lëvizjen VETËVENDOSJE! e plotëson dijen për një fushë tejet të rëndësishme në ditët e sotme siç është ajo e teknologjisë ushqimore”.

“Së bashku me Namikun dhe Ismailin do të jemi këtë fundjavë në Shkup, te Kinoteka e Maqedonisë, Lagja Karposh përballë ish Gjimnazit “Zef Lush Marku” nga ora 16:30. Ejani në këtë bashkëbisedim që po e organizojmë për Kosovën e ndryshimeve që po i presim”.

commentFirst article
Sot mund të lexoni Shfletoni kopertinat