Ka mbi 20 viza shengen në pasaportë, shqptarit refuzohet viza nga ambasada gjermane - Bota Sot
Ka mbi 20 viza shengen në pasaportë, shqptarit refuzohet viza nga ambasada gjermane

Aktuale

Ka mbi 20 viza shengen në pasaportë, shqptarit refuzohet viza nga ambasada gjermane

Më: 13 shtator 2019 Në ora: 08:13
Foto ilustrim

Fotografit shqiptar i është refuzuar viza nga ambasada gjermane në Kosovë edhe pse ai kishte mbi 20 viza shengen në pasaportë.

Jetmir Idrizi ka treguar përvojën e tij të aplikimit përmes Facebook-ut, ku ka shkruar se ambasada gjermane i ka refuzuar dje aplikimin për vizë.

“Kam mbi 20 viza shengen në pasaportë, vizë të vlefshme kanadeze deri më 2023, vizë të flefshme amerikane edhe 3 vjet tjera, por sot ambasada gjermane në Prishtinë vendosi të ma refuzojë vizën”, ka shkruar fotografi shqiptar.

Kjo është një nga përvojat e shumta ku të rinjtë kosovarë ballafaqohen me refuzime të ambasadave dhe me procedurat burokratike të tyre.

Kosova është i vetmi shtet në Evropë i cili ende ka në fuqi regjimin e vizave dhe kosovarët janë të vetmit që nuk mund të udhëtojnë lirshëm në zonën shengen të Bashkimit Evropian.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...