BE do të jetë vëzhguese e Zgjedhjeve në Kosovë

Aktuale

BE do të jetë vëzhguese e Zgjedhjeve në Kosovë

Më: 13 shtator 2019 Në ora: 17:29
Foto ilustrim

Bashkimi Evropian i është përgjigjur ftesës së presidentit të Kosovës, Hashim Thaçi për t’i vëzhguar zgjedhjet e 6 tetorit.

Përmes një komunikate për shtyp, BE ka treguar se do të vëzhgoj Zgjedhjet e parakohshme Parlamentare në Kosovë.

Zyrtarja e lartë e BE-së, Federica Mogherini ka emëruar Viola von Cramon-Taubadel si Krye-vëzhguese të zgjedhjeve.

“Unë besoj që është e rëndësishme për BE-në të vazhdoj të përcjellë zgjedhjet në Kosovë, që filluan nga viti 2009. Unë besoj se vëzhgimi ynë do të jetë i rëndësishëm në këto zgjedhje. Është nder i madh për mua që të udhëheq këtë mision të BE-së dhe unë e kam pranuar këtë detyrë me plotë përgjegjësi”, u shprehë Viola von Cramon-Taubadel.

Zgjedhjet e parakohshme u shpallën në Kosovë pasi kryeministri në detyrë, Ramush Haradinaj dha dorëheqje për shkak të ftesës që mori nga Gjykata Speciale.

commentFirst article
Sot mund të lexoni Shfletoni kopertinat