Fetah Rudi, simboli i rezistencës në Lidhjen Demokratike të Kosovës do të jetë në listën e kësaj partie për zgjedhjet e 6 tetorit të cilat do të mbahen me 6 tetor.
Por, në një foto të siguruar nga gazeta “Bota sot”, shihet në një gjendje të rëndë veprimtari dhe kandidati për deputet nga radhët Lidhjes Demokratike të Kosovës, Fetah Rudi, që ishte plagosur në vitin 2000.
Ai në këto foto shihet i shtrirë në QKUK, dhe në gjendje kome pas atentati të bërë ndaj tij, ku si pasojë e 13 plumbave të shkrepur ndaj tij, ai sot e asaj dite ka mbetur i pa lëvizshëm, shkruan “Bota sot”.
Ndryshe, kujtojmë se në listën e publikuar nga LDK, Fetah Rudi do ta mbaj numrin 95.
Për Fetah Rudin, një shkrim autorial e kishte publikuar edhe profesori ndërkombëtar, Enver Bytyçi.
Ai përmes një postimi në Facebook ka thënë se kandidati i LDK-së për deputet, Fetah Rudi, është përfaqësuesi tipik i atyre 200 anëtarëve të LDK-së dhe simpatizantëve të Ibrahim Rugovës, të cilët u vranë në kurthe e prita me urdhër të disa politikanëve të njohur të Kosovës.
Sipas Bytyçit, Fetah Rudi do të shihet në sallën e parlamentit të Kosovës si Stojber në Gjermani.
