Limaj: Tema e ndarjes e ka dëmtuar shumë Kosovën - Bota Sot
Limaj: Tema e ndarjes e ka dëmtuar shumë Kosovën

Aktuale

Limaj: Tema e ndarjes e ka dëmtuar shumë Kosovën

Më: 16 shtator 2019 Në ora: 20:49
Fatmir Limaj

Secili kandidat për kryeministër duhet të dijë se e pret një dialog shumë i vështirë me Serbinë.

Kështu ka thënë Fatmir Limaj, kandidat për kryeministër nga koalicioni Nisma-AKR-PD në Rubikon të KTV-së duke shtuar se asnjëri kandidat s’mund të kryejë punë pa ndihmën e forcave tjera politike.

“Kandidatët duhet të kenë të qartë që t’u thonë njerëzve që na pret dialog shumë i vështirë. Atë dialog s’mundet asnjëri kandidat ta kryejë pa ndihmën e tjetrit dhe asnjë forcë politike s’mund ta kryejë punën pa ndihmën e të tjerëve, madje edhe opozitës. S’po flasim për afate. Kosova shpejt duhet t’i kthehet tavolinës”, ka thënë ai.

Limaj ka shtuar se Kosova në shumë raste ishte kthyer në defensivë duke gabuar gjatë procesit të dialogut. Tema e ndarjes, sipas tij, e ka dëmtuar shumë Kosovën.

“Në situata të tilla, u kthye tema për protagonizëm kush është pro e kush për mbrojtjen e kufirit, që e ka dëmtuar shumë Kosovën. Ngritja në agjendë e asaj se kush është pro e kundër nga drejtuesit e shtetit, njëri pro e tjetri kundër ka dëmtuar vendin tonë. Destabilizoi mënyrën e funksionimit”, ka thënë ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...