Gjenerata e dytë e rekrutëve të FSK-së filloi trajnimin bazik në Ferizaj - Bota Sot
Gjenerata e dytë e rekrutëve të FSK-së filloi trajnimin bazik në Ferizaj

Aktuale

Gjenerata e dytë e rekrutëve të FSK-së filloi trajnimin bazik në Ferizaj

Më: 17 shtator 2019 Në ora: 15:29

Në Komandën e Doktrinës dhe Stërvitjes (KDS), përkatësisht në kazermën „Skënderbeu“ në Ferizaj, dje, ka filluar faza e dytë e trajnimit për pjesën e dytë të rekrutëve të rinj të FSK-së. Në trajnim po marrin pjesë 340 pjesëtarë dhe trajnimi do zgjasë nëntë javë.

Siç bën të ditur Ministria e Mbrojtjes përmes një komunikate për media, rekrutët e rinj u priten nga eprori përgjegjës i QSB-së dhe komandantët e kompanive, të cilët  pasi iu uruan mirëseardhje i njoftuan me rregullat e përgjithshme të Qendrës së Trajnimit.

Më pas, rekrutët të udhëhequr nga instruktorët e tyre filluan sistemimin në Qendrën për Stërvitje, për të vazhduar me pas me angazhimet e tyre ditore, si pajisjen me uniforma ushtarake dhe testimet fizike nga instruktorët e kësaj qendre.

Ceremonia e  certifikimit dhe betimit të gjeneratës së parë të rekrutëve për vitin 2019,  është  bërë më 09.08.2019, në kazermën „Adem Jashari“ në Prishtinë, ku me sukses arritën të certifikohen 337 rekrutë, prej tyre 52 të gjinisë femërore dhe 22 pjesëtarë nga radhët e komuniteteve joshumicë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...