Pacolli pranon kopjet e letrave kredencialet nga ambasadorja e re e Kroacisë - Bota Sot
Pacolli pranon kopjet e letrave kredencialet nga ambasadorja e re e Kroacisë

Aktuale

Pacolli pranon kopjet e letrave kredencialet nga ambasadorja e re e Kroacisë

Më: 18 shtator 2019 Në ora: 12:45
Behxhet Pacolli, ka pritur në takim Ambasadoren e re të Kroacisë në  Kosovë, Daniela Barisiç

Ministri i Jashtëm në detyrë, Pacolli, ka pranuar sot kopjet e letrave kredenciale të ambasadores së re të Kroacisë, Daniela Barisiç.

Ministri në detyrë i Punëve të Jashtme të Kosovës, Behxhet Pacolli, ka pritur në takim Ambasadoren e re të Kroacisë në  Kosovë, Daniela Barisiç, duke i shprehur mirëseardhje në Kosovë.

Në fillim të takimit  Pacolli i uroi detyrën e re Ambasadores dhe shprehu pritje të sinqerta se marrëdhëniet e zhvilluara dhe të larta të deritanishme ndërmjet Republikës së Kosovës dhe Republikës së Kroacisë do të vazhdojnë në të ardhmen me dinamikë të përforcuar.

Në takim të dy bashkëbiseduesit shkëmbyen pikëpamjet mbi mbarëvajtjen e zhvillimeve politike në Kosovë, rajon dhe më gjerë.

Pacolli vuri në dukje marrëdhënien bilaterale dhe partneritetin strategjik në mes dy vendeve dhe dy popujve.

 Gjatë takimit, Pacolli, i ka konfirmuar vullnetin e Republikës së Kosovës, për thellimin e mëtejmë të raporteve miqësore ndërmjet dy vendeve.

 Edhe Ambasadorja Barisiç nënvizoi se marrëdhëniet shumëdekadeshe të mirëkuptimit dhe miqësisë ndërmjet të dyja shteteve dhe raportet e afërta ndërmjet qytetarëve tanë, paraqesin kapital dhe investim të madh në të ardhmen.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...