Zogiani: Vetëvendosje ka edhe motive politike për të bërë Vetting - Bota Sot
Zogiani: Vetëvendosje ka edhe motive politike për të bërë Vetting

Aktuale

Zogiani: Vetëvendosje ka edhe motive politike për të bërë Vetting

Më: 19 shtator 2019 Në ora: 22:46
Avni Zogiani

Kandidati për deputetë nga Lëvizja Vetëvendosje, Avni Zogiani, ka thënë se pas 7 tetorit do të vërtetohet se institucionet kanë qenë të korruptuara.

Zogiani, në “Debat Plus” në RTV Dukagjini ka thënë se premtimet e partive mund të jenë të ngjashme por ai thotë se vetëm Vetëvendosje mund të bëj ndryshimin.

“Të gjithë mund të pretendojmë Vetting, e dëgjova edhe zonjën Musliu që premtoi por vetëm ne do të bëjmë Vetting. Këta Vettingun nuk e kanë bërë prej 20 vitesh”, tha ai.

Ai ka thënë se Vetëvendosje është shumë e motivuar dhe ka arsye politike për ta bërë Vettingun pasi sipas tij nëse e bën këtë proces do të ndikojë të fitojë edhe një mandat tjetër në qeveri.

Kandidati për deputetë nga Lëvizja Vetëvendosje ka thënë se perceptimi i qytetarëve për korrupsionin është shumë i drejtë pasi sipas tij qytetarët kanë dëgjuar mjaft shumë për aferat kurruptive si ajo e “Prontos”.

Zogiani ka thënë se kapja e shtetit është problem i madh, pasi sipas tij një numër i madh i politikanëve kanë emëruar familjarët në institucione publike.

“Ky është mashtrim i madh që po na bëjnë kur po flasin për luftën kundër korrupsionit. Këta kanë kapur të gjitha institucionet përfshirë edhe institucionet e drejtësisë”, tha ndër të tjera Avni Zogiani.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...