Elezi jep detaje për zgjedhjet: Nga diaspora kishte aplikantë që nuk kishin mbushur moshën 18 vjeçare - Bota Sot
Elezi jep detaje për zgjedhjet: Nga diaspora kishte aplikantë që nuk kishin mbushur moshën 18 vjeçare

Aktuale

Elezi jep detaje për zgjedhjet: Nga diaspora kishte aplikantë që nuk kishin mbushur moshën 18 vjeçare

Më: 20 shtator 2019 Në ora: 21:14
Zëdhënësi i KQZ-së, Valmir Elezi

Zëdhënësi i KQZ-së, Valmir Elezi, ka folur për përgatitjet që po bënë ky institucion për zgjedhjet e parakohshme.

Elezi, në “Dossier D” në RTV Dukagjini, ka thënë se votat e diasporës do të pranohen në adresë të KQZ-së deri më 5 tetor ashtu siç e parasheh ligji.

Duke folur për refuzimin e rreth 5 mijë aplikacioneve nga diaspora, Elezi ka thënë se një pjesë e tyre nuk kanë dërguar dokumente të vlefshme ndërsa një pjesë tjetër që kanë aplikuar për të votuar, nuk kanë pasur moshën 18 dhe as nuk do ta mbushin deri më 6 tetor.

Zëdhënësi i KQZ-së ka thënë se janë shtypur rreth 100 mijë fletëvotime më pak se që ka votues pasi janë marrë parasysh trendet e viteve të kaluara, kur pjesëmarrja në votime nuk e kalon 45 për qind.

Elezi ka thënë se në këto zgjedhje rreth 2,400 votues që kanë ndryshuar qendrën e vendvotimit brenda komunave të njëjta. Ai thotë se janë refuzuar disa mijëra kërkesa për ndryshim të vendvotimit brenda të njëjtës shkolle dhe disa të tjera për shkak se nuk kanë paraqitur dokumente identifikimi.

Zëdhënësi i KQZ-së duke folur për dokumentet e nevojshme që nevojiten për votim, ka thënë se kjo është bërë për të evituar problemet që kanë ndodhur në të kaluarën sidomos me votat që kanë ardhur nga katër komunat veriore me shumicë serbe.

Ai thotë se në këto zgjedhje janë certifikuar rreth 1300 vëzhgues e një pjesë prej tyre janë ndërkombëtarë.

Elezi duke folur për ditën e zgjedhjeve ka thënë se po planifikohet që rezultatet preliminare të shpallen brenda asaj date më pas të vazhdohet me procedura tjera apo për të shqyrtuar ankesat e mundshme nga subjektet politike apo kandidatët.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...