Fatmir Limaj me lot në sy, tregon si u detyrua ta ndalë autobusin me maskë për të parë nënën dhe djalin - Bota Sot
Fatmir Limaj me lot në sy, tregon si u detyrua ta ndalë autobusin me maskë për të parë nënën dhe djalin

Aktuale

Fatmir Limaj me lot në sy, tregon si u detyrua ta ndalë autobusin me maskë për të parë nënën dhe djalin

Më: 21 shtator 2019 Në ora: 14:50
Fatmir Limaj

Histori të jashtëzakonshme e të patreguara më parë, ka rrëfyer kandidati për kryeministër nga NISMA Socialdemokrate, Fatmir Limaj, “N’Konak” emisionin televiziv.

Ish-komandanti i Ushtrisë Çlirimtare të Kosovës, ka treguar se si gjatë luftës, pas një kohe të gjatë i kishte takuar nënën dhe djalin e tij, Durimin, mirëpo pa arritur t’u fliste.

Ai bashkë bashkë me Ismet Jasharin dhe bashkëluftëtarët e tjerë kishte organizuar ta dalnin autobusin me të cilin nëna e tij dhe djali po udhëtonin, vetëm për ti takuar.

Por, për shkak të rrethanave ishte detyruar të vinte maskë dhe të mos ekspozohej.

Gati i përlotur, Limaj rrëfen se ishte futur në autobus, kinse për kontrollë rutinë dhe i ishte ofruar nënës e të birit, pa e ditur ata se kush ishte njeriu që po u fliste me butësi.

“Durimi u qu në këmbë dhe i thojke nanës shokët e babës shokët e babës, dhe më kapi mua për uniforme dhe unë dorën mbi kokë të tij dhe ja fërkojsha flokët. Por nuk më lëshojke prej dore. Edhe tash sa ka zgjatë ajo 1 minut dy, ja bëjke nanës shoku i agjit, shoku i babit, çka ka ni nëpër shpi djali i vogël”, tregon ish komandant Çeliku.

Rrëfimi i tij është emocionues, edhe tani që kanë kaluar më shumë se 20 vite nga ajo kohë.

“Ne në maska. Foli edhe diçka Ismeti me nanën. Unë i pata nja 20 marka, i nxorra prej xhepit dhe ja dhash Durimit. Pastaj, dalë nga dalë jam dal prej autobusit”, ka rrëfyer Limaj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...