Donika Gërvalla nga Lidhja Demokratike e Kosovës në Gjermani, po shprehur përkrahjen e saj për kandidatin e LDK-së për deputet Rexhep Gjergjin.
Gërvalla në një postim në Facebook, ka thënë se Gjergji është një prej viganëve të fundit të kohës kur LDK-ja donte dhe dinte të bënte shtet.
Ajo ka thënë se vota për Gjergjin, është votë për dijen në vend të injorancës.
Postimi i Gërvallës:
Profesor Rexhep Gjergji
Një prej viganëve të fundit të kohës kur LDK dinte dhe donte të bënte shtet. Atëherë në krah të profesor Aganit ndër më të rinjtë, trim, i ditur dhe i mençur. Sot në krah të Vjosa Osmanit si garancë e dinjitetit, mençurisë, mendimit të hapur, të peshuar mirë dhe të qartë e të guximshëm.
Vota për Rexhep Gjergjin është votë për dijen në vend të injorancës, për kompetencë në vend të korrupsionit, për dinjitet në vend të oportunizmit.
