Kryetari i degës së pestë të LDK-së, Izet Sadiku, ka thënë se përkrahja qytetare për Vjosa Osmanin është aq e madhe sikur në kohën e Presidentit Ibrahim Rugova.
Gjatë një tubimi në Keqekollë, Sadiku ka shtuar se nuk janë vetëm anëtarësia dhe përkrahësit e LDK-së, por edhe ish-anëtarët e partive tjera, të cilët po përkrahin kandidaten Osmani për kryeministre,.
“Gollaku cilësohet për mikpritje, bujari dhe trimëri, sepse ky lokalitet ka qenë historikisht ballafaqimi i parë me Serbinë. Kjo trevë ka qenë besnike e liderit historik të shqiptarëve, Ibrahim Rugovës. Kandidatja jonë, Vjosa Osmani, e ka përkrahjen e kësaj zone dhe gjithë Kosovës, sikur në kohën e Presidentit Rugova”.